2022 жылы 19 сәуірде тәуелсіз зерттеуші доктор Пэт Уолш «Геосаясат және Османлы империясының жойылуы / Түркия республикасының құрылуы» тақырыбында онлайн семинар өткізді.
Доктор Пэт Уолш Осман империясының соңғы кезеңдеріндегі жаһандық және аймақтық геосаяси оқиғаларға тоқталып, Түркия республикасының құрылуы туралы әңгіме өрбітті.
Британ империясының рөлі туралы айта отырып, доктор Пэт Уолш Ұлыбританияның Ресейге қарсы Осман империясының жағында болғанын, алайда 1890 жылдары Ұлыбританияның Осман империясына деген қызығушылығын жоғалтқанын, керісінше немістер Осман империясына назар аудара бастағанын атап өтті. Доктор Пэт Уолш Ұлыбританияның теңіздерді бақылау үшін Берлин-Бағдад теміржолын салу жоспарының Германияның Осман империясына деген қызығушылығын арттырғанын тілге тиек етті.
Доктор Пэт Уолш 1914 жылы басталған Бірінші дүниежүзілік соғыста Осман империясының алдымен бейтарап қалуға тырысқанын, кейін соғысқа араласқанын атап өтті. Соғыстан кейін, Ресей империясы ыдырап, Англия большевиктердің көтерілуіне жол бермеу үшін Османлылармен тез бітімгершілік келісімін жасасуды жоспарлағанын, бірақ Мұстафа Кемал Ататүрік бұл жоспарларды бұзып, большевиктермен жақсы қарым-қатынас орнатқанын, Грекиямен соғысу арқылы сол кездегі саясатты өзгертіп, ақыры Түркия республикасының негізін салғанын баяндады.
Семинар соңында қатысушылар тақырып бойынша пікір алмасты. Еуразия ғылыми-зерттеу институты директорының орынбасары Женгизхан Жаналтай семинарда құнды ақпараттармен бөліскенін айтып, доктор Пэт Уолшқа алғысын білдірді.
